Main menu
இம்மாத இதழில்..

கடல் கடந்து இளைய தலைமுறையிடம் தந்தை பெரியாரின் தாக்கம்

கடந்த இதழின் தொடர்ச்சி....

 

சிங்கப்பூர் கவிமாலை அமைப்பின் தலைவர் இறை. மதியழகன் அவர்களின் உரை

சிங்கப்பூரில் நடைபெற்ற தந்தை பெரியாரின் 138 ஆம் ஆண்டு பிறந்தநாள் விழாவில் சிங்கப்பூர் கவிமாலை அமைப்பின் தலைவர் இறை.மதியழகன் அவர்கள் உரையாற்றினார்.

எல்லோருக்கும் வணக்கம். பெரியாரைப் பற்றி நான் சிந்திக்கும் பொழுது எனக்கு 5, 6 வயது தான் இருக்கும். அதற்குப் பிறகு பலவகைகளில் சிந்தித்துப் பார்த்தாலும், பெரியார் அவர்கள் இல்லாமல் இருந்திருந்தால், தமிழர்களும், தமிழகமும் என்னவாகியிருக்கும்? என்று நினைத்துப்பாருங்கள்.

செய்திகளை பகிர்ந்து கொள்ள

மேலும்>> மேலும்...

ஒடுக்கப்பட்டோர் உயர்விற்காக ஓயாது உழைக்கும் கி.வீரமணி

 பீகார் முதல்வர் மாண்புமிகு நிதிஷ்குமார் அவர்களின் வாழ்த்துச் செய்தி

ஒடுக்கப்பட்டோர் உயர்விற்காக ஓயாது உழைக்கும் கி.வீரமணி

அவர்கள் வாழ்க பல்லாண்டு!

பெரியார் கொள்கைக் குடும்பம், டாக்டர் கி.வீரமணி அவர்களின் 84ஆவது பிறந்த நாள் விழாவை 02.12.2016 அன்று ‘சுயமரியாதை நாள்’’ ஆகக் கொண்டாடுகையில், சிறப்பிதழ் வெளிவருவது குறித்து உள்ளார்ந்த உவகை கொள்கிறேன்.

திரு.கி.வீரமணி அவர்கள் 10 வயது சிறுவனாக இருந்தபோதே, 1944இல் சேலத்தில் கூட்டப்பட்ட நீதிக்கட்சி மாநாட்டில் திரளாகக் கூடியிருந்த மக்கள் முன் உரையாற்றியமையால் வெகுமக்களால் அறியப்பட்டவர். திராவிட இயக்கத்தின் தீவிரத் தொண்டராய் அறிஞர் அண்ணாதுரை அவர்களால் பெருமையாய் அறிமுகப்படுத்தப்பட்டார்.

கடலூரில் வழக்கறிஞராய் ஓராண்டு பணியாற்றியதை அடுத்து முழுநேர சமுதாயத் தொண்டராய் ஆனார். ஜாதி முறையை எதிர்த்தும், சமுதாயத்தில் ஒடுக்கப்பட்ட மக்களின் நலத்திற்காகப் பாடுபடும் திராவிடர் கழகத்தின் தலைவராய் உள்ளார்.

திராவிடர் கழகத்தின் மூன்றாவது தலைவரான இவர் பெரியார் மணியம்மைப் பல்கலைக்கழகத்தின் வேந்தராகவும் உள்ளார். சமுதாயப் பணிகளுக்குத் தன் வாழ்வை முழுமையாக ஈடுபடுத்திக் கொண்ட இவர் குறிப்பாக பெண்களின் விடுதலைக்கும், உரிமைக்கும், மேம்பாட்டிற்கும் பாடுபட்டு அவர்களின் உயர் இலக்கை எட்ட உந்து சக்தியாக உழைத்து வருகிறார்.

டாக்டர் கி.வீரமணி அவர்களின் இச்சிறப்புக்குரிய நாளில் வெளியிடப்படும் சிறப்பு இதழ் சிறக்கவும், அவர் பல்லாண்டு வாழவும் எனது மரியாதை செறிந்த வாழ்த்துக்களைத் தெரிவித்துக்கொள்கிறேன்.

குறிப்பு: 23.11.2016 தேதியிட்டு

‘The Modern Rationalist’  இதழுக்கு மாண்புமிகு நிதிஷ்குமார் அவர்கள் ஆங்கிலத்தில் அனுப்பிய வாழ்த்துச் செய்தியின் தமிழாக்கம்.

 

 

 

செய்திகளை பகிர்ந்து கொள்ள

மேலும்>>

அவர் துறவிக்கும் மேலே!

 பிறரொடு ஒப்ப நில்லாது, பேரெல்லையாக அமைந்து சிறந்தவர் பெரியார். ஜாதி ஒழிப்பு, பகுத்தறிவு நெறிக்குத் தடையான மூடநம்பிக்கை ஒழிப்பு, சமத்துவம் பேணாமல் பெண்களைத் தாழ்த்தும் பெண்ணடிமை ஒழிப்பு முதலிய மகத்தான மனிதநேயச் செயல்பாடுகளில் 60 ஆண்டுகளுக்கு மேல் போராடிய பெருமைக்குரியவர். இப்பணியை எவரும் செய்திட முன்வராத நிலையில், காலத்தில், அதனைத் தம் தோளில் போட்டுக்கொண்டு செயலாற்றியவர். தனி ஒருவராக, எவரையும் எதிர்பாராமல், இப்பணிகளில் ஈடுபட்டார் பெரியார். என்றாலும், அவருடைய கூட்டு உழைப்பாளர்களாக வந்து இணைந்து பணியாற்றியவர்கள் சிலர்.தொடக்க காலத்தில் அவர்களிற் சிலர் பல்வேறு காரணங்களால் அப்பணியில் ஈடுபட இயலாமல் ஒதுங்கிக் கொண்டனர். சிலரைப் பெரியார் இனங்கண்டு பயிற்றுவித்தார். அவர்களில் சிலர் அவரது நம்பிக்கையைப் பொய்த்துப் போகச் செய்துவிட்டனர். என்றாலும் சோர்வு அடையாத பெரியார் தம் பணியைத் தொடரவே செய்தார். அணுக்கமாகப் பலரும் அவருடன் இணைந்தனர். பணிபுரிந்தனர். என்றாலும் அவரின் முழு நம்பிக்கைக்கும் தகுதியானவராக எவரும் திகழவில்லை, ஒருவரைத் தவிர! அவரைத் தம் பணிக்கு, இயக்கத்திற்கு, அதன் திரண்ட சொத்துகளுக்கு பாதுகாவலராக நியமித்திடச் செய்த ஏற்பாடு காரணமாக ஏமாற்றம் அடைந்த சிலர் விலகினர். ஒதுங்கினர். பெரியார் கவலைப்படவில்லை.

என்னதான் தூற்றிச் சலித்துப் பொறுக்கு-மணிகளாகச் சலித்தெடுத்த நெல்லாக இருந்தாலும் ஊறவைத்தால் பதர் மிதக்கிறது, கருக்காய் நெல்லும் கலந்தே இருக்கிறது. அதைப்போல!

அந்த நேரத்தில் பல பெருமரங்கள் அடியோடு பெயர்ந்து வேரோடு சாய்ந்தன. ஆனால், அருகம்புல் இடம் பெயராமல் மண்ணோடு வேர்பிடித்து விளங்கியது. பெரியாரின் பெரும்படையில் பெரிய பேச்சாளராக, எழுத்தாளராக, அவரின் கருத்துக்-களை விளக்கிடும் ஆற்றலாளராகப் பலப்பலர் இருந்தனர். அவர்களெல்லாம்கூட விலகிப் போயினர்; தத்துவத்தின் மீதல்ல, தனிநபர் மீதான காழ்ப்பினால். ஆனால், ஆந்திரத்து ஊசி மிளகாயென விளங்கியவர், அருகம்-புல்லென அசையாது நின்றவர், தலைவரின் கட்டளையொன்றே தமிழர்க்கு வாழ்வு தரும் என்பதில் எந்தச் சபலத்திற்கும் இடம் தராமல் உறுதியாக நின்றவர் ஒருவர். வினாத் தெரிந்த வயது முதல் வரித்துக்கொண்ட தத்துவத்தின் சொந்தக்காரனாக விடாப் பிடியாகப் பின்பற்றியவர். தாய்க் குரங்கைப் பற்றிக் கொண்டிருக்கும் குட்டியைப் போலத் தன் தலைவனைச் ‘சிக்’ எனப் பிடித்துக் கொண்டவர். உடன்பிறந்தோர் மாற்றுக் கருத்தைத் தெரிவித்த-போதும் மனம் மாறாதவர். உடன் பணி செய்தோர் வேறுபட்டபோதும் மனம் தளராமல் பெரியாரைப் பின்தொடர்ந்தவர். அவரின் 84ஆம் பிறந்த நாள்தான் டிசம்பர் 2.

அவரின் தொடக்ககால ஆசான்கள் இருவருமே சுப்ரமணியம் என்ற இயற்பெயர் கொண்டவர்கள். திராவிடமணி என மாறிவிட்ட ஆசான்தான் இன்றைய திராவிடர் கழகத் தலைவரை அடையாளங்கண்டு அறிமுகப்படுத்தியவர். தொடக்கப் பள்ளி நாடகத்தில் சாலமன் மன்னர் வேடம் பூண்டு நடித்தபோது அவரின் உடல் அசைவுகள், பேச்சொலி போன்றவற்றால் ஈர்க்கப்பட்டு அவரைப் பேச்சாளராகப் பயிற்றுவித்தார். பெயரை மாற்றிப் பள்ளியில் சேர்த்ததோடு வடலூர் வள்ளலாரைத் தெரிந்திருந்தவரிடம் பெரியாரை அறிமுகம் செய்தார். அருட்பா பாடல் படித்தவரிடம் பெரியாரின் அறிவுப் பாக்களைப் படிக்கச் செய்தார். அறிஞர் அண்ணா நடத்திய, “திராவிட நாடு’’ ஏட்டுக்கு நன்கொடை திரட்டி அத்தொகையைப் பொதுக்கூட்டம் ஒன்றில் தாம் கண்டெடுத்த கடலூர் ஆனிமுத்துவான இவரின் கைகளால் தரச்செய்து முதல் பொது மேடையில் அரங்கேற்றினார். அப்போது இவரின் வயது 9 ஆண்டு 6 மாதங்கள். அப்போது முதல் இப்போது வரை ஆயிரமாயிரம் மேடைகள் இவரை அழைத்து, அமர்த்திப் பேசச் செய்து பெருமைப்படுத்துகின்றன.

அன்று முதல் இன்றுவரை அவரது சொற்பொழிவுகள் அனைத்துமே தலைவர் பெரியாரின் தத்துவங்களுக்கான கருத்துரை, விரிவுரை என்ற வகையில் அமைந்தனவே தவிர, மதச் சொற்பொழிவுகளைப் போன்று உபன்யாசங்கள் அல்ல, உளுத்துப் போனவற்றை உயர்த்திப் பிடிக்கும் உதவாக்கரைப் பேச்சுகள் அல்ல. தாழ்நிலைக்கு ஆளாக்கப்பட்ட தமிழர்   உயர்ந்திட உதவும் உண்மைகளைக் கொண்டவை.

ஒரு நல்ல பேச்சாளர் நிறையப் படித்திருக்க வேண்டும். சமூகச் சீர்திருத்தத் தொண்டில் ஈடுபட்டுள்ள அவர் போன்றோர் நாள்தோறும் படிக்க வேண்டும். நல்ல நூல்களைத் தேடித் தேடிப் படிக்கும் பழக்கம் இவரிடம் உண்டு. எந்த நாட்டுக்குச் சென்றாலும் அங்குள்ள புத்தகக் கடைகளுக்குச் சென்று நூல்களை வாங்குவார். படிப்பார். அதன் கருத்துக்களை உள்வாங்கிக் கொண்டு தம் பேச்சுகளில் பொருத்தமாகப் பயன்படுத்துவார். அதனால், அவருடைய சொற்பொழிவைக் கேட்டால் பல நூல்களின் கருத்துப் பிழிவைக் கேட்கும் வாய்ப்புக் கிடைக்கும். கல்லூரிகளில் பேசினால் மாணவர்க்கு மட்டுமல்ல, பேராசிரியர்களுக்கும் தெரியாத புதிய செய்திகள் சிதறும். திண்டுக்கல்லுக்குச் சென்று ஒரு மேலாண்மைக் கல்லூரியில் உரையாற்றி முடித்ததும் கல்லூரியின் துறைத் தலைவரும் பேராசிரியர்-களும் அவரைச் சூழ்ந்துகொண்டு, ஆதாரம் காட்டிப் பேசிய நூல்களின் பட்டியலை எழுதிக்கொண்டனர்.

கடவுள் மறுப்பு இயக்கத் தலைவர் அந்தக் கொள்கைபற்றிப் பேசினால் கேட்போர் வியப்படைய மாட்டார்கள். இவர் பேசியதோ, முற்றிலும் மாறுபட்ட மேலாண்மைத்துறை சார்ந்த உரை. கேட்டவர்கள் வியப்பால் விழிகள் விரியக் கேட்டனர் என்றால் இவரது பல்துறை அறிவு ஆற்றலை என்சொல்வது? தென்னை மரம் தாளாலே தான் கொண்ட நீரை இளநீராகத் தலையாலே தான் தருதலால் எனப் பாடியதைப் போன்று தாம் கற்றவற்றைப் பிறர் பயனுறுமாறு பயன்படுத்திடும் பாங்கு, இவரைத் தவிர வேறு யார்க்கும் நம் நாட்டில் கிடையாது. மேற்கோள் கருத்தை அவ்வாறு தோன்றா-வண்ணம் தம் கருத்தே போல் பேசிடும் தன்மை பெரும்பாலோரிடம் இருக்கும் நிலையில், பேச்சுக் கலையிலும் இவர் தனித்து விளங்குகிறார்.

வழக்குரைஞர்க்கான படிப்பை முடித்து இரண்டாண்டுக் காலம் வெற்றிகரமாக நீதிமன்றங்களில் பேசி வென்றவர். தலைவரின்  ஆணையையேற்று மக்கள் நல்வாழ்வுக்காக வாதிடும் வேலையைச் செய்து கொண்டிருக்-கிறார். பலன்பெற்ற எளியோர் ஏராளம். சமூக நீதிக்காக வாதாடி வென்றவர். மூடநம்பிக்கை ஒழிப்பு, பெண்ணடிமை ஒழிப்பு போன்ற பற்பல சமுதாயத் துறைகளில் சலிப்பின்றி, களைப்-பின்றிப் போராடி வருபவர். பெரியாரைத் தவிர, வேறு தலைவரைத் தேடாதவர்; பெரியாரின் தத்துவம் தவிர வேறு எதனையும் நாடாதவர். “நாயினுங்கேடாய் நம் தமிழ்நாட்டார் நலிவதை நான் கண்டேன்’’ என்று 10, 11 வயதில் கழக மேடைகளில் தொடக்கப் பாடகராகப் பாடிய பாடலை மாற்றி அமைத்திடும் வகையில் தமிழ்நாட்டு மக்களின் நலிவு போக்கிட நாளும் உழைப்பவர். தன்னலங்கருதாது, பணியாற்றும்-போது, பலன் பெற்றவர்களே நன்றியுணர்ச்சி இல்லாமல் நடந்துகொள்ளும்போது, சோர்ந்து போகாமல் தொடர்ந்து பணி செய்பவர். “அது மனித சுபாவம்’’ என்று அறிவு ஆசான் பெரியார் சொன்னதைப் புரிந்து செயல்படுபவர்.

பெரியாரின் கொள்கைகளை அவர் போட்டுத்தந்த பாதையில் செயல்படுத்தி வெற்றி பெற உழைப்பவர். எந்தச் சலனமும் இல்லாமல் எந்தச் சபலமும் ஏற்படாமல் பணி செய்பவர். விரக்தி உணர்வு அவரின் விரல் நுனியைக் கூடத் தொட்டதில்லை. அவர் முழுக்க முழுக்கப் பெரியாரிடம் பாடம் பயின்றவர்; பயிற்சி பெற்றவர். சில ஆண்டுகளுக்கு முன்பு அவர் கழகப் பொதுச் செயலாளராக இருந்தபோது, ஒரு நாள் அப்பொறுப்பிலிருந்து விலகிக் கொண்டு தன் உடன் பணியாற்றியவரை அந்தப் பொறுப்பில் நியமித்துவிட்டார். தாம் சாதாரண உறுப்பினராக மட்டுமே நீடிப்பதாக அறிவித்துவிட்டார். கழகம் அதிர்ந்தது. எதனால் இந்த அறிவிப்பு எனப் புரியாமல் வேற்று இயக்கத்தோர் குழம்பினர். அப்போதுதான் பெரியாரின் வாசகங்கள் நினைவுக்கு வந்தன. “என் தொண்டர்கள், தோழர்கள் துறவிக்கும் மேலே! துறவிக்காவது மோட்சம் போக வேண்டும் என்கிற அசை இருக்கும். மோட்சம், நரகம் என்பனவெல்லாம் கிடையாது என்ற நம்பிக்கை இருப்பதால் என் தோழர்களுக்கு அந்த ஆசை கூடக் கிடையாது’’ என்ற வரிகள் நினைவுக்கு வந்தன. பொதுச் செயலாளர் பொறுப்பை ஏன் அவர் துறந்தார்? வேறு ஒருவரை நியமித்தார்?

அவர் பெரியாரின் தொ£ண்டர். அவர் துறவிக்கும் மேலே! எந்த எதிர்பார்ப்பும் ஆசையும் அவர்க்கில்லை! அவரைத் தொடர்வோம்!

- சு.அறிவுக்கரசு

 

 

 

 

செய்திகளை பகிர்ந்து கொள்ள

மேலும்>>

விடுதலையை வாழவைப்பார் வீரமணி - தந்தை பெரியார்

“வீரமணி அவர்கள் எம்.ஏ., பி.எல்., பட்டம் பெற்றவர். நல்ல கெட்டிக்காரத் தன்மையும் புத்திக்கூர்மையும் உள்ளவர். அவர்.எம்.ஏ., பி.எல்., பாஸ் செய்து வக்கீல் தொழிலில் இறங்கியவுடன் மாதம் ரூ.300, ரூ.400 வரும்படி வரத்தக்க அளவுக்கு தொழில் வளர்ந்ததோடு கொஞ்ச காலத்திலேயே மாதம் ரூ.500, 1000 தொழில் வளம் பெற்றுவரும் நிலையைக் கண்டவர். இந்த நிலையில் அவர் ஒரு சாதாரண ஏழைக் குடும்பத்தைச் சேர்ந்தவராகவும் இருந்து வந்தவர்.

செய்திகளை பகிர்ந்து கொள்ள

மேலும்>> மேலும்...

மானமிகு டாக்டர் கலைஞர் அவர்களின் வாழ்த்துச் செய்தி

மானமிகு டாக்டர் கலைஞர் அவர்களின் வாழ்த்துச் செய்தி

மனிதம், பகுத்தறிவு, தன்மானம் நிலைக்க அயராது உழைக்கும் ஆருயிர் இளவல்!

“தமிழர் தலைவர்’’ எனத் தமிழ் உலகம் போற்றும் எனது ஆருயிர் இளவல், திரு.கி.வீரமணி அவர்களின் 84வது பிறந்த நாள் விழா 2-.12.2016 அன்று கொண்டாடப்படுவதை யொட்டி, “உண்மை’’ (டிசம்பர் 1-_15) இரு வாரஇதழ், சிறப்பு மலராக வெளிவருவது அறிந்து மட்டற்ற மகிழ்ச்சியடைகிறேன்.

இளவல் திரு.கி.வீரமணி அவர்கள், தனது பத்தாவது வயதில் ஆற்றிய பண்பட்ட உரையினைக் கேட்டு, பேரறிஞர் அண்ணா அவர்களால், “திராவிட இயக்கத்தின் திருஞானசம்பந்தர்’’ எனச் சிறப்பாகப் போற்றப்பட்டவர்.

செய்திகளை பகிர்ந்து கொள்ள

மேலும்>> மேலும்...

புதுவை முதல்வர் மாண்புமிகு வி.நாராயணசாமி அவர்களின் வாழ்த்துச் செய்தி


பெரியார் வாழ்வில் பணியினைத் தொடர்ந்திட
வாழ்த்திகிறேன்!


பெரியார் இயக்கத்தைச் சேர்ந்த கருஞ்சட்டைத் தோழர்களும், நலம் விரும்புவோரும், பற்றாளர்களும் திராவிடர் கழகத் தலைவர் டாக்டர் கி.வீரமணி அவர்களின் 84ஆம் பிறந்த நாளை (02.12.2016) ‘சுயமரியாதை நாள்’ ஆகக் கொண்டாடுவது குறித்து பெரும் மகிழ்வு கொள்கிறேன்.

தமது 9ஆம் வயதில் பொதுவாழ்வைத் தொடங்கிய கி.வீரமணி அவர்கள், பெரியாரின் மனிதநேயச் சிந்தனை வழி, அவரின் அடிச்சுவட்டில் ஈடு இணையற்ற தொண்டுப் பணியை இயக்கரீதியாக உலகில் எங்கும் இல்லாத வகையில் மனித சமுதாயத்திற்கு ஆற்றி வருகிறார்.

செய்திகளை பகிர்ந்து கொள்ள

மேலும்>> மேலும்...