தந்தை பெரியார்

மதச்சார்பற்ற அரசு என்பது எப்படு இருக்க வேண்டம்?

இந்திய தேசியக் காங்கிரசின் கொள்கைகளை விளக்குவதில் கீழ்க்கண்ட விஷயங்களைக் கவனிக்க வேண்டுகிறோம்:-
இந்தியாவில் உள்ள இந்துக்கள் என்பவர்களில் பிராமணன், சூத்திரன், ஹரிஜனன் என்பதாக மூன்று பிரிவுகள் சட்டத்திலும் அனுஷ்டானத்-திலும் பல ஆதாரங்களிலும் இருந்து வருகிறது. இந்தப் பிரிவின் படி - பண்டித நேரு பிராமணராகவும், காந்திஜி சூத்திரராகவும், அம்பேத்கர் ஹரிஜனாகவும் கருதப்படுகிறார்கள்.
இந்திய அரசாங்கம் சாதிப் பிரிவு, சாதிச் சலுகை, சாதித் தொகுதி, சாதிப் பிரதிநிதித்துவம் இல்லாத அரசாங்கமாக இருக்கும் என்று அடிக்கடி பிராமண வகுப்பில் வருகிற தலைவர்களாலும், காங்கிரஸ் பிரமுகர் - பிரச்சாரகர்களாலும் சொல்லப்பட்டு வருகிறது.
இப்போதுள்ள பிரிட்டிஷ் ஆதிக்கம் நீங்கின இந்திய யூனியன் அமைப்பு முறையிலும் சாதி வகுப்பு விஷயமாய்ச் செய்யப்படப் போகும் விதிகளில் - பிராமணன், சூத்திரன், ஹரிஜனன் என்கின்ற வார்த்தை-களுக்கு இடம் அளிக்கப்--படுமா? சட்டங்கள், இந்துமத சமுதாய ஆதாரங்கள், இடங்கள் முதலிய-வைகளில் பிராமணன், சூத்திரன், ஹரிஜனன் என்கின்ற வார்த்தைகள் இருக்க இடம் அளிக்கப்படுமா? அந்தப்படி இருப்பவைகளை சர்க்-கார் அங்கீகரிக்குமா? என்கின்ற விஷயம் இதுவரையில் தெளிவாக்-கப்படவில்லை.
இந்த விஷயங்கள் தெளிவாக்கப்-படாமல், சாதிகளின் பேரால் தொகுதியில்லை, பிரதிநிதித்து-வமில்லை, சலுகையில்லை என்று சொல்லப்படுவது- பிரிவினையின் காரணமாகக் கீழ் நிலையில் இருக்கும் மக்களுக்குப் பெருத்த அநீதியாகவும், குறை-பாடாகவும், அசவுகரியமாகவும், முன்னேற்றத் தடையாகவும் இனியும் இருக்க இடமாகிறது.
ஆகவே, இந்திய யூனியன் கான்ஸ்டிடி-யூஷனிலும், இந்திய தேசியக் காங்கிரஸ் கான்ஸ்டிடியூஷனிலும் - இந்திய யூனியனில் உள்ள மக்களில் அல்லது இந்துக்கள் என்கின்ற சமுதாயத்தில் - அரசியலின் பேராலும், மத இயலின் பேராலும், சமுதாய இயலின் பேராலும் பிராமணர், சூத்திரர், ஹரிஜனன் என்கின்ற பிரிவு எந்த முறையிலும் அனுஷ்டிக்கப்படமாட்டாது; இந்த வார்த்தைகள் அரசியல், மத இயல், சமுதாய இயல் கொண்ட எந்த ஆதாரங்-களிலும் உபயோகிக்கப்படமாட்டாது என்ப-தோடு, இவைகள் இருக்கவும் இடம் கொடுக்கப்பட மாட்டாது; அப்படிப்பட்ட வார்த்-தைகள் இருக்கும்படியான ஆதாரங்-களைச் சர்க்கார், காங்கிரஸ் மரியாதை செய்யாது; ஆதரிக்காது; கல்வி, கலைத் துறையிலும் இவ் வார்த்தைகளுக்கு - பிரிவு-களுக்கு இடம் இருக்க அனுமதிக்கப்பட மாட்டாது என்பவை தெளிவாக விளங்கும்படி ஏற்பாடு செய்யப்பட்டு விட்டால், இந்த யூனியனில் வகுப்பு வாதங்களோ, வகுப்பு ஸ்தாபனங்-களோ, வகுப்புக் கலவரங்களோ என்பவை இருக்க இடமில்லாமல் போய்விடும்; வகுப்புக் குறைகளைச் சொல்லிச் சலுகைகளோ, பிரதிநிதித்துவங்களோ, உரிமைகளோ கொண்-டா-டவும் கேட்கவும் இடமில்லாமல் போய்-விடும். இந்திய யூனியனும் பிறவியின் பேரால் பிரிவு, சாதிப் பிரிவு, வகுப்பற்ற ஒரே சமுதாயமாக விளங்க முடியும்.
அந்தப்படிக்கில்லாமல், பிராமணன், சூத்திரன், ஹரிஜனன் என்கின்ற பிரிவுகளை, சாதிகளை வைத்துக் கொண்டு - இதன் காரணத்-தால் பிற்பட்ட, தாழ்த்தப்பட்ட மக்களுக்கு அவர்கள் குறை நீங்கத் தக்கதாக சலுகைள், பிரதிநிதித்துவங்கள் இல்லையென்று தடுப்பது கொடுமையான அநீதியாகும்.
ஆகவே, இதை அரசியல் நிர்ணய சபையும், காங்கிஸ் விதிமுறை அமைப்புச் சபையும் கவனிக்க வேண்டுமென்று ஆசைப்படுகிறோம்.

- குடிஅரசு, அறிக்கை 24.4.1948

மதச்சார்பற்ற என்ற சொல்

இவர்கள் எந்த நாட்டைப் பார்த்து எந்த மொழியில் - செக்குலர் ஸ்டேட் என்று குறிப்பிட்டார்களோ, அந்த நாடு-களில் அந்த மொழிக்கு - செக்குலர் என்-பதற்கு என்ன பொருள் இருக்கிறதோ - அவர்கள் எந்தப் பொருளில் அதைப் பயன்-படுத்தியிருக்கிறார்களோ, அந்தப் பொருளில்-தானே நாமும் பயன்படுத்த-வேண்டும்? அதை விட்டுவிட்டு சொல்லை மட்டும் வைத்துக் கொண்டு, செக்குலர் என்றால் மதச் சார்பற்றது என்று பொருளல்ல; எல்லா மதங்-களையும் ஒன்றுபோலக் கருதவேண்டும் என்றுதான் பொருள் என்று பார்ப்-பனர்கள் கூறுகிறார்கள்.
பெண்கள் ஒரு மாநாடு நடத்து-கிறார்கள். அந்த மாநாட்டில் உள்ள பெண்கள் அத்தனை பேரும், பெண்கள் பதிவிரதைகளாக நடந்து கொள்ள வேண்டும் என்று தீர்மானித்துவிட்டு - பதிவிரதை என்றால் எல்லா ஆண்-களையும் தங்கள் கணவனைப் போலக் கருதி நடந்து கொள்ள வேண்டும். அது தான் பதிவிரதத் தன்மை என்று அர்த்தம் சொல்வது எவ்வளவு அயோக்கியத்-தனமானதோ, அதைவிட, அயோக்கியத்-தனமாகும் - மதச் சார்பற்ற என்பதற்கு எல்லா மதங்களையும் ஒன்றுபோலக் கருத வேண்டுமென்பது! எனவே, மதச் சார்பற்ற என்றால், எந்த மதத்தையும் சாராத என்பதுதான் பொருள்.
(புத்தகம்: மதச்சார்பின்மையும் நமது அரசும், பதிப்பு: 1968)